Kosova shënon 250-vjetorin e Pavarësisë së SHBA-së me aktivitete të veçanta

Ambasada amerikane dhe Komuna e Prishtinës organizojnë ngjarje festive në nder të jubileut historik të Shteteve të Bashkuara.

Kosova do ta shënojë 250-vjetorin e Pavarësisë së Shteteve të Bashkuara të Amerikës me një sërë aktivitetesh të organizuara nga Ambasada e SHBA-së në Prishtinë dhe Komuna e Prishtinës, përcjell albinfo.ch.

E Ngarkuara me Punë e SHBA-së në Kosovë, Anu Prattipati, do të organizojë një pritje zyrtare në kuadër të kremtimit të këtij jubileu historik. Ditë më parë, Ambasada amerikane vendosi një flamur gjigant të SHBA-së në ambientet e saj, si pjesë e aktiviteteve simbolike që i paraprijnë festimeve.

Ndërkohë, më 2 korrik, nën patronatin e Kryeqytetit, do të mbahet aktiviteti “America and Kosova – A Freedom Story for the Next 250 Years”, në Emerald Hotel në Prishtinë.

Kryetari i Prishtinës, Përparim Rama, ka bërë të ditur se ngjarja synon të theksojë partneritetin e veçantë mes Kosovës dhe SHBA-së, duke vënë në pah historinë e përbashkët të lirisë, miqësisë dhe bashkëpunimit ndërmjet dy vendeve./Albinfo.ch

---