Zvicra shkruan histori, rrëmben medaljen e argjendtë në 4×100 metra

Atletet zvicerane siguruan vendin e dytë në Kampionatin Evropian të Atletikës në Birmingham

Zvicra ka fituar medaljen e argjendtë në stafetën e femrave 4×100 metra në Kampionatin Evropian të Atletikës në Birmingham, duke shënuar një sukses historik në këtë disiplinë.

Ekipi zviceran e përfundoi finalen me kohën 43.12 sekonda, duke u renditur pas Britanisë së Madhe, e cila fitoi medaljen e artë me kohën 42.05 sekonda, përcjell albinfo.ch.

Për Zvicrën garuan Géraldine Di Tizio-Frey, Léonie Pointet, Ajla Del Ponte dhe Salomé Kora, të cilat me paraqitjen e tyre siguruan medaljen e shumëpritur në stafetën 4×100 metra.

Ky rezultat ishte një nga sukseset e rëndësishme të delegacionit zviceran në Evropianin e Birminghamit. Në të njëjtën mbrëmje, Zvicra fitoi medalje të argjendtë edhe përmes Dominic Lobalut në garën e 10 mijë metrave.

Kampionati Evropian i Atletikës në Birmingham u zhvillua nga 10 deri më 16 gusht, me Zvicrën që mori pjesë me delegacionin më të madh të saj deri më tani në një Evropian të atletikës.

---