Kapiteni Rrahmani tërhiqet nga Përfaqësuesja e Kosovës

"Ju njoftoj se nuk do të jem më pjesë e Kombëtares së Kosovës, përderisa FFK-në e udhëheqin personat aktual”

Amir Rrahmani  është tërhequr nga Përfaqësuesja kosovare e futbollit.

Sipas një postimi që ka bërë në instagram Rrahmani, i cili ishte kapiten i Kosovës, bën të ditur  se arsyeja e largimit të tij është udhëheqësia aktuale e Federatës së Futbollit të Kosovës.

“Pas 10 viteve në Kombëtare nga të cilat 7 vite si kapiten ju njoftoj se nuk do të jem më pjesë e Kombëtares së Kosovës, përderisa FFK-në e udhëheqin personat aktual”, ka shkruar mbrojtësi i Napolit në rrjetin e tij social “Instagram”.

Rrahmani ka shtatë gola në 66 paraqitje me “Dardanët”.

---