Libra shkollorë për nxënësit shqiptarë në kantonin Aargau

Librat janë siguruar përmes Ministrisë së Punëve të Jashtme dhe Diasporës së Kosovës, në mbështetje të mësimit të gjuhës shqipe në diasporë

Në Ambasadën e Republikës së Kosovës është zhvilluar ndarja e librave shkollorë për nxënësit shqiptarë që ndjekin mësimin në gjuhën shqipe në kantonin Aargau të Zvicrës, përjell albinfo.ch.

Librat janë siguruar përmes Ministrisë së Punëve të Jashtme dhe Diasporës (MPJD) të Republikës së Kosovës, si pjesë e mbështetjes për mësimin dhe ruajtjen e gjuhës shqipe në diasporë.

Me këtë rast është shprehur mirënjohje për mësimdhënësit dhe prindërit, të cilët përmes angazhimit të vazhdueshëm kontribuojnë në ruajtjen dhe kultivimin e gjuhës shqipe, kulturës dhe identitetit te brezat e rinj.

Mbështetja e mësimit në gjuhën shqipe në diasporë konsiderohet një nga mënyrat për të ruajtur lidhjen e fëmijëve me gjuhën, kulturën dhe vendlindjen e prindërve të tyre.

Ndarja e librave përbën një mbështetje konkrete për nxënësit dhe mësimdhënësit shqiptarë në kantonin Aargau, të cilët kontribuojnë në zhvillimin e arsimit në gjuhën shqipe jashtë Kosovës. /Albinfo.ch

---