Kryeparlamentarja uron Presidenten: U përmbyll me marrëveshje një proces i gjatë

Kryetarja e Kuvendit të Kosovës e uroi presidenten e re, duke vlerësuar përmbylljen e procesit për zgjedhjen e kreut të shtetit.

Kryetarja e Kuvendit të Kosovës, Albulena Haxhiu, ka uruar Justina Shiroka-Pulën për zgjedhjen presidente të Republikës së Kosovës, përcjell albinfo.ch.

Haxhiu i ka dëshiruar presidentes së re mbarësi në ushtrimin e detyrës dhe në shërbim të vendit e qytetarëve.

“Uroj Presidenten e re të Republikës së Kosovës, akademiken Justina Shiroka-Pula, dhe i dëshiroj shumë mbarësi në ushtrimin e detyrës së saj, në shërbim të vendit dhe të të gjithë qytetarëve”, ka shkruar Haxhiu.

Ajo ka vlerësuar gjithashtu se Kuvendi e ka përmbyllur një proces të gjatë politik, duke arritur marrëveshje dhe zgjidhje institucionale. Haxhiu, e cila kishte ushtruar përkohësisht edhe detyrën e presidentes, tha se për të kishte qenë një nder i veçantë ta mbante këtë përgjegjësi deri në zgjedhjen e presidentes së re.

Justina Shiroka-Pula u zgjodh presidente me 81 vota në raundin e parë të votimit dhe më pas bëri betimin para deputetëve të Kuvendit./Albinfo.ch

---