Lajm i mirë nga Trepça: Të gjithë minatorët dalin shëndoshë e mirë

Minatorët mbetën të bllokuar për disa orë në minierën e Stantërgut pas një defekti në sistemin e furnizimit me energji elektrike,

 

Të gjithë 63 minatorët që mbetën të bllokuar mbrëmjen e së mërkurës në minierën e Trepçës në Stantërg kanë dalë jashtë dhe janë në gjendje të mirë shëndetësore, përcjell albinfo.ch.

Lajmin e ka konfirmuar drejtori i Trepçës, Shyqyri Sadiku, i cili bëri të ditur se asnjë minator nuk ka mbetur më i bllokuar në nëntokë.

Problemi u shfaq rreth orës 19:30, si pasojë e djegies së disa linjave të tensionit të lartë, ndërsa defekt është raportuar edhe në trafostacionin e tunelit të parë.

Për shkak të ndërprerjes së energjisë, minatorët nisën të largoheshin përmes daljeve alternative. Pas përfundimit të procesit të evakuimit, të gjithë 63 punëtorët arritën të dalin nga miniera.

/Albinfo.ch

---