Në Livoq të Gjilanit dyshohet se një burrë ka vrarë bashkëshorten e tij dhe njërin prej vëllezërve të saj, ndërsa vëllai tjetër i gruas ka mbetur i plagosur.
Raportohet se të shtënat kanë ndodhur në rrethana që ende po hetohen, ndërsa viktimat dyshohet se ndodheshin në një veturë në momentin kur është shtënë me armë, transmeton albinfol.ch.
Sipas informacioneve fillestare, gruaja dhe njëri prej vëllezërve të saj kanë mbetur të vdekur, ndërsa vëllai tjetër është plagosur dhe është dërguar për trajtim mjekësor, raporton Sinjali.
Dyshimet e para lidhen me një ngatërresë të mëhershme, mirëpo motivi i saktë dhe rrethanat që çuan deri te krimi ende nuk janë sqaruar plotësisht.
