Nga Bashkimin Evropian kanë reaguar sërish lidhur me ndryshimin e Ligjit për Gjykatën Speciale.
Zëdhënësi Christian Wigand ka deklaruar se plotësim-ndryshimi i miratuar të martën vonë, bie ndesh me detyrimet ndërkombëtare të Kosovës ndaj BE-së teksa sipas tij, Dhomat e Specializuara po japin drejtësi, bazuar në parimin e përgjegjësisë penale individuale.
“Ne i bëjmë thirrje Kosovës që t’u përmbahet detyrimeve të saj ndërkombëtare për të siguruar pavarësinë gjyqësore të Dhomave të Specializuara të Kosovës, si dhe angazhimin për të siguruar llogaridhënie dhe për t’u dhënë drejtësi viktimave dhe familjeve të tyre nga të gjitha komunitetet në Kosovë. Mbrojtja dhe siguria e dëshmitarëve duhet të sigurohet”, deklaroi ai, transmeton albinfo.ch.
Ndryshe, ky është reagimi i dytë nga Bashkimi Evropian lidhur me ndryshimin e Ligjit për Gjykatën Speciale të Kosovës në Hagë.
