Pjesëtarët e Forcës së Sigurisë së Kosovës (FSK), të cilët përfaqësuan vendin në garën “Ushtari më i mirë” në Shtetet e Bashkuara të Amerikës, kanë arritur të renditen në vendin e dytë. Rezultati vlerësohet si dëshmi e përgatitjes së lartë dhe profesionalizmit të ushtarakëve kosovarë në garat ndërkombëtare, transmeton albinfo.ch.
Pas kthimit, ushtarët u pritën nga komandanti i FSK-së, gjenerallejtënant Bashkim Jashari, i cili i dekoroi me medalje në shenjë mirënjohjeje për rezultatet e arritura, përkushtimin dhe profesionalizmin e treguar gjatë garës.
Në njoftimin e saj, FSK-ja thekson se ky sukses përbën një vlerë të shtuar për forcën dhe dëshmon përgatitjen e vazhdueshme të pjesëtarëve të saj sipas standardeve të larta ushtarake.
Renditja në këtë garë në SHBA vjen si një tjetër rezultat për ushtarakët e Kosovës në aktivitetet ndërkombëtare, ku vlerësohen aftësitë individuale, qëndrueshmëria fizike dhe gatishmëria profesionale./Albinfo.ch
