Për shumë bashkëatdhetarë që jetojnë jashtë vendit, pushimet në Kosovë, janë mundësi për të kaluar kohë me familjen dhe miqtë qoftë një vikend larg qytetit, disa ditë në natyrë apo një festë në një vilë private.
Tregu i vilave private është rritur dukshëm viteve të fundit, por mënyra se si gjenden dhe rezervohen ato vazhdon të jetë mjaft e fragmentuar. Shumë prej tyre promovohen individualisht në rrjete sociale apo përmes kontakteve direkte, duke e detyruar klientin të kërkojë, të kontaktojë pronarët një nga një, të pyesë për disponueshmërinë dhe çmimin dhe, në fund, t’i krahasojë vetë opsionet. Ky është edhe problemi nga i cili lindi Folet.
Për diasporën, ky problem bëhet edhe më i dukshëm. Kur ke ardhur në Kosovë për dy apo tri javë dhe dëshiron të organizosh një vikend të veçantë me familjen apo shoqërinë, nuk dëshiron ta kalosh gjysmën e ditës duke kërkuar nëpër dhjetëra profile dhe duke pyetur: “A e dini ndonjë vilë të mirë?”
Folet është një platformë online e specializuar vetëm për vila, ku përdoruesit mund të kërkojnë dhe rezervojnë vila, ndërsa pronarët mund t’i publikojnë dhe menaxhojnë ato në një sistem të vetëm. Kërkimi, disponueshmëria, komunikimi dhe rezervimi bëhen në një vend, duke e bërë procesin më të thjeshtë dhe duke kursyer kohë.
Vetëm vila, kërkim më i thjeshtë
Një prej dallimeve kryesore të Folet është fokusi i saj: platforma është e dedikuar vetëm për vila. Kjo do të thotë se përdoruesi nuk ka nevojë të kalojë nëpër hotele, apartamente, hostele apo kategori të tjera të akomodimit për të gjetur atë që kërkon.
Por Folet synon ta bëjë edhe vetë kërkimin më të lehtë.
Në platformë është integruar inteligjenca artificiale, përmes së cilës përdoruesi mund të tregojë drejtpërdrejt se çfarë lloj vile po kërkon. Në vend që të kontrollojë një nga një dhjetëra opsione, mund të specifikojë kërkesat nga numri i personave dhe buxheti, deri tek karakteristikat që dëshiron të ketë vila. Për shembull, nëse po kërkon një vilë për tetë persona, me pishinë dhe brenda një buxheti të caktuar, Folet mund të ndihmojë që kërkimi të fokusohet tek opsionet që u përshtaten këtyre kërkesave.
Kjo e bën platformën veçanërisht praktike për dikë që nuk e njeh mirë ofertën lokale apo thjesht nuk dëshiron të kalojë orë të tëra duke kërkuar.
Edhe regjistrimi dhe përdorimi i platformës janë menduar të jenë sa më të thjeshta. Website është intuitiv dhe i lehtë për t’u përdorur, në mënyrë që nga regjistrimi deri tek gjetja dhe rezervimi i vilës të nevojiten sa më pak hapa.
Nga Kosova drejt një platforme rajonale
E krijuar në Kosovë, Folet tashmë është aktive në Kosovë, Shqipëri dhe Maqedoni të Veriut, ndërsa synimi është që oferta të zgjerohet gradualisht edhe në vende të tjera të Ballkanit. Për diasporën, kjo e bën platformën edhe më praktike. I njëjti vend ku kërkon një vilë për një vikend gjatë qëndrimit në Kosovë mund të përdoret edhe kur planifikon disa ditë pushimi në Shqipëri apo Maqedoni të Veriut pa e filluar kërkimin nga zero çdo herë.
Ndërkohë, Folet po zhvillohet edhe përtej versionit aktual online. Aplikacioni mobil për iOS dhe Android tashmë është zhvilluar dhe pritet të lansohet së shpejti, duke e bërë kërkimin dhe rezervimin e vilave edhe më të qasshëm direkt nga telefoni.
Edhe një zgjidhje për pronarët e vilave
Folet nuk e thjeshton procesin vetëm për ata që kërkojnë një vilë. Për pronarët, menaxhimi i kërkesave përmes Instagramit, Facebookut, telefonatave dhe mesazheve mund të marrë kohë dhe ta bëjë më të vështirë menaxhimin e rezervimeve. Përmes Folet, pronarët mund t’i publikojnë vilat e tyre dhe të menaxhojnë rezervimet dhe komunikimin përmes një sistemi të centralizuar.
Kështu, Folet synon t’i lidhë të dyja anët e tregut: pronarët që duan t’i bëjnë vilat e tyre më të qasshme dhe vizitorët që duan ta gjejnë vilën e duhur pa humbur kohë.
Herën tjetër, kërkimi mund të fillojë nga Folet
Për bashkëatdhetarët që kthehen në Kosovë dhe rajon për pushime, ideja është e thjeshtë: herën tjetër që planifikoni një vikend me familjen apo shoqërinë, nuk keni pse ta filloni kërkimin nëpër dhjetëra profile në rrjete sociale.
Vizitoni Folet, krijoni llogarinë tuaj dhe eksploroni vilat që janë pjesë e platformës.
Sepse herën tjetër kur dikush të pyesë “A e dini naj vilë të mirë?”, përgjigjja mund të jetë shumë më e thjeshtë: Folet.
