Bastisen disa lokale të shqiptarëve, arrestohen 8 veta

Në natën mes të premtes dhe të shtunësnë qarqet Dietikon dhe Horgen të Kantonit të Cyrihut janë bërë disa bastisje në lokale klubesh dhe baresh me ç`rast janë arrestuar tetë persona.

Janë bastisur gjithsej 12 lokale, me ç`rast janë kontrolluar rreth 200 persona, si mysafirë, të punësuar dhe menaxherë të klubeve, bëhet e ditur në një komunikatë të lëshuar nga Policia Kantonale e Cyrihut.

Në njërin nga lokalet në Horgen është arrestuar një shqiptar 30 vjeçar, i cili po qëndronte ilegalisht në Zvicër përkundër ndalesës që i ishte shqiptuar më parë, transmeton albinfo.ch.

Në lokalet në Birmensdorf dhe në Schlieren janë arrestuar tre meshkuj dhe katër femra të moshës 19 deri 42 vjeçare. Të gjithë këta janë nga Maqedonia, Shqipëria, Serbia dhe Kosova. Në Zvicër ata po qëndronin pa leje qëndrimi dhe po punonin pa leje pune.

Kundër shefit të njërt nga klubet, një kosovari 44 vjeçar, prokuroria publike Limmattal/Albis do të iniciojë procedurë penale për shkelje të ligjit për të huajt.