Presidentja e Kosovës, Justina Shiroka Pula, ka pritur sot në takim të ngarkuarën me punë të Shteteve të Bashkuara të Amerikës në Kosovë, Anu Prattipati, përcjell albinfo.ch.
Sipas njoftimit të Presidencës, gjatë takimit është diskutuar për zhvillimet aktuale politike në vend, me theks te stabiliteti institucional dhe funksionimi i plotë i institucioneve.
Shiroka Pula ka vlerësuar dinamikën e shtuar të punës së Kuvendit dhe Qeverisë pas tejkalimit të krizës institucionale.
Presidentja ka ritheksuar përkushtimin e Kosovës për avancimin e mëtejshëm të marrëdhënieve dypalëshe, duke nënvizuar se Shtetet e Bashkuara të Amerikës mbeten partner strategjik i pazëvendësueshëm i Kosovës./Albinfo.ch
