Presidentja e Kosovës, Justina Shiroka Pula, ka vlerësuar marrëdhëniet ndërmjet Kosovës dhe Belgjikës, duke e cilësuar këtë të fundit si shtet mik dhe partnere të rëndësishme në rrugëtimin evropian të vendit, transmeton albinfo.ch.
Ajo mori pjesë në pritjen e organizuar nga Ambasada e Belgjikës në Kosovë, me rastin e shënimit të Ditës së Mbretit të Belgjikës, ku mbajti edhe një fjalim para të pranishmëve.
Presidentja theksoi se Kosova nuk e harron solidaritetin e Belgjikës gjatë luftës së viteve 1998–1999, si dhe mbështetjen e saj për ndërhyrjen e NATO-s në mbrojtje të jetës dhe dinjitetit njerëzor.
Sipas saj, që nga njohja e pavarësisë së Kosovës, Belgjika ka vazhduar të mbështesë shtetndërtimin, zhvillimin demokratik dhe integrimin euroatlantik të vendit.
Shiroka Pula vuri në pah edhe rolin e diasporës shqiptare në Belgjikë, duke e cilësuar atë si një urë të veçantë lidhëse ndërmjet dy shteteve.
Ajo theksoi se Kosova dhe Belgjika kanë potencial për të thelluar më tej bashkëpunimin në fushën e ekonomisë, arsimit, kulturës dhe institucioneve.
- Në përfundim, presidentja ritheksoi se Belgjika mbetet një partnere e rëndësishme për Kosovën në rrugëtimin e saj drejt integrimit evropian./Albinfo.ch
