Roamingu në BE hiqet në qershor të vitit 2017

Fillimisht ishte menduar që roamingu të hiqej që në fund të këtij viti (2015) , por një numër shtetesh anëtare kishte pasur qëndrim kundërshtues

Për telefonatat brenda vendeve të BE-së, nga qershori i vitit 2017 nuk do të ketë nevojë të paguhet taksa shtesë.

Parlamenti i BE-së ka votuar sot për heqjen e të ashtuquajturave taksa të roamingut në mes të shteteve anëtare.

Fillimisht ishte menduar që roamingu të hiqej që në fund të këtij viti (2015) , por një numër shtetesh anëtare kishte pasur qëndrim kundërshtues. Por me marrëveshjen e re është arritur një kompromis në atë mënyrë që pagesat për roaming fillimisht në pranverën e vitit 2016 (muaji prill) të ulen e pastaj në verën e vitit 2017 të hiqen plotësisht.

Kështu, evropianët për telefonatat që i bëjnë me telefonat e tyre mobilë gjatë udhëtimit të tyre nëpër vendet e BE-së, nga qershori 2017 do të paguajnë njësoj sa paguajnë në shtetet e tyre, ka thënë të martën Andrus Ansip, zëvendëshshef i komisionit evropian, kompetent për çështje digjitale.