Zvicra të mos i rikthejë refugjatët në Hungari dhe Itali

Organizatat e refugjatëve u bëjnë thirrje autoriteteve zvicerane që të stopojnë riatdhesimin e refugjatëve në vendet e Dublinit, si Hungaria apo Italia.

Amnesty International dhe organizatat e tjera të refugjatëve kërkojnë nga Zvicra që të mos i kthejnë mbrapa refugjatët që vijnë nga shtetet kufitare të BE-së dhe atyre që vijnë rrugës ballkanike, edhe pse në përputhje me Marrëveshjen e Dublinit ka të drejtë për ta bërë këtë.

„Zvicra shkel parimin e solidaritetit, duke i dërguar përsëri njerëzit në vendet si Hungaria, ku ata ishin përballur me shkelje të rënda të të drejtave të njeriut”, tha zëdhënësja e Amnesty, Denise Graf.

Statistikat e azilit nga Sekretariati Shtetëror për Migrim (SEM) tregojnë se më 2015 janë pranuar mbi 12. 700 kërkesa që Zvicra i ka kthyer në vendet e tjera të Dublinit. Sipas organizatave të refugjatëve, shumica e këtyre njerëzve do të duhej të qëndronin këtu.