16 kurdë dhe 1 kosovar, të dyshuar për terrorizëm islamik

Ilustrim

Policitë e disa vendeve evropiane përmes një aksioni të gjerë dhe të koordinuar kanë kapur të enjten 13 persona të dyshuar se i përkasin një celule terroristësh islamikë shkruan nzz.ch.

Ndërkaq janë shpallur urdhërarreste për 17 persona, 16 kurdë dhe një kosovar, transmeton albinfo.ch.

Gjashtë nga të dyshuarit janë arrestuar në Itali, katër në Britaninë e Madhe dhe tre në Norvegji. Persona të tjerë që lidhen me këtë rrjet konsiderohet se janë në Irak dhe në Siri ku u janë bashkuar radhëve të IS-it.

Hetuesit thonë se të arrestuarit janë ithtarë të islamistit kurd nga Norvegjia Mullah Krekar ndërsa grupi ka bërë rekrutimi e lugtëtarëve përmes internetit.

Pjesë e aksionit të madh ka qenë edhe Zvicra. Prokuroria Federale e vendit në këtë kontekst po merret me një kërkesë për ndihmë juridike që i ka ardhur nga Italia, shkruan nzz.ch. Në kuadrin e kësaj kërkese, ajo ka ndërmarrë një numër masash të dhunshme të kërkuara mga autoritetet italiane. Këto masa janë marrë në Zvicrën gjermanofone dhe në to kanë marrë pjesë Policia Federale dhe policitë kantonale.