A ndihen të vetmuar emigrantët në Zvicër?

JESHOOTS.COM @jeshoots

Së fundmi, është organizuar një studim nga Internations, ku tregon se si ndihen emigrantët në shtetin e Zvicrës, përcjell albinfo.ch.

Thuhet se shumë emigrantë në Zvicër ndihen të vetmuar. Shuma nga ta mendojnë se vetëm “frangu” është i mirë në Zvicër, por se me të tjerat nuk janë aspak të kënaqur.

Studim i fundit ka nxjerrë problemet më të mëdha me të cilat përballen të huajt në Zvicër.

Sipas anketës, gjetja e strehimit është vështirësia më e madhe për mërgimtarët kur shpërngulen në Zvicër.

Barriera gjuhësore është vështirësia e dytë më e përmendur më shpesh nga të huajt që jetojnë në Zvicër. Dialektet e bëjnë të vështirë krijimin e miqësive. Shumica e emigrantëve në Zvicër vuajnë nga vetmia.

45 për qind thanë se ndiheshin të vetmuar të paktën herë pas here, dhe pothuajse 30 për qind e përjetuan këtë shumë shpesh. Shumë nga ta kanë thënë se luftojnë në vete me vetminë.

Ata përdorin rrjete sociale për çmallje ose së fundi kanë filluar të marrin kafshë shtëpiake për të sfiduar vetminë. 26 për qind e të anketuarve mendojnë rikthimin në shtëpi, ndërsa 11% po bëjnë gjithçka për t’u rikthyet në atdhe.

Një tjetër sondazh nga platforma e emigrantëve Internations tregon se shumë emigrantë nuk ndihen të mirëpritur në Zvicër.

Një në pesë të anketuar mendon se popullsia zvicerane është jomiqësore dhe më shumë se gjysma e kanë të vështirë të bëjnë miq me vendasit.

Shumë nga të anketuarit kanë thënë se ka ngrohtësi më të madhe në Zvicër se në të gjitha shtetet e tjera ku kanë jetuar.