A po rimëkëmbet ekonomia e BE-së?

(KEYSTONE/Martin Ruetschi)

Ekonomia e Eurozonës u rikuperua më shpejt nga sa mendohej pas bllokadave të dimrit.

Krahasuar me të njëjtin tremujor të vitit të kaluar, në nivel sezonal GDP-ja u rrit me 14.3 për qind në zonën euro dhe me 13.8% në BE në tremujorin e dytë të 2021-shit.

Krahasuar me tremujorin e mëparshëm të këtij viti, GDP-ja u rrit me 2.2% në zonën euro dhe 2.1% në BE.

Kanë qenë shpenzimet e konsumatorëve që kanë udhëhequr rikuperimin. Shpenzimet e konsumit përfundimtar të familjeve u rritën me 3.7% në tremujor, pasi njerëzit u kthyen në dyqane, bare e restorante dhe pika argëtimi.

Por situata varion nga vendi në vend. Kështu, Irlanda regjistroi rritjen më të fortë, +6.3% krahasuar me tremujorin e mëparshëm, e ndjekur nga Portugalia, me +4.9%.

Rënie u verifikuan në Maltë, -0.5% dhe Kroaci, -0.2%. Edhe shpenzimet e qeverive nxitën rritjen, përmes paketave stimuluese dhe masave shëndetësore që u morën kundër pandemisë.

Numri i personave të punësuar u rrit me 0.7% si në zonën Euro ashtu edhe në BE në tremujorin e dytë të 2021-shit, krahasuar me tremujorin e mëparshëm.

Në tremujorin e parë të 2021-shit punësimi kishte rënë me 0.2 për qind si në zonën Euro ashtu dhe në Unionin Evropian./euronews