Aargau: Më së shumti të dëbuar në katër vitete fundit

Në dy vitet e fundit, numri i të dëbuarve të huaj nga Kantoni i Aargau-t është rritur dukshëm, shkruan “Aargauer Zeitung”. Përderisa gjatë vitit 2008 nga ky kanton ishin dëbuar vetëm 67 persona, gjatë këtij viti, Zvicrën është dashur ta lëshojnë  114 persona (pa i llogaritur këtu azilkërkuesit).

Lidhur me këtë, këshilltarja komunale Milly Stöckli-Ammann (SVP) ka kërkuar sqarime nga qeveria kantonale. Në nëtor të vitit të kaluar, populli zviceran i kishte thënë një “PO” të qartë iniciativës së dëbimit. Mu për këtë, Stöckli-Ammann dëshiron të dijë nga qeveria kantonale se ç‘është duke ndërmarrë, për të zgjidhur problemet e praktikës së sotme të dëbimit.

Përgjigjja e qeverisë ka qenë se Kantoni i Aargau-t i dëbon personat me vendimet e plotfuqishme të instancave më të lartë gjyqësore.

Aargau: Ja edhe tabela e dëbimit të pesë viteve të kaluar

Qeveria gjithashtu i referohet grupit punues të ngritur nga ministrja Simonetta Sommaruga, i cili e ka përpunuar më konkretisht Ligjin për iniciativën e dëbimit. Për këtë, qeveria për momentin nuk e shehë të arsyeshme “mundësinë e negociatave”.

Në qershor të këtij viti, grupi punues do të paraqesë raportin e parë të iniciativës së dëbimit. Për shkak të dispozitave ligjore, nuk ka hapësirë për masa të menjëhershme, kanë deklaruar nga qeveria.