Abdixhiku ka urdhëruar kompanitë t’i pastojnë rrugët gjatë natës

Abdixhiku: Kam urdhëruar që kompanitë t’i pastojnë rrugët gjatë natës

Meqenëse nga mbrëmja e djeshme kanë filluar temperaturat të ulen dhe pasi filluan reshjet e borës, ministri i Infrastrukturës, Lumir Abdixhiku, ka bërë të ditur se janë duke u pastruar rrugët, e që ka urdhëruar kompanitë të punojnë gjithë natën.

Në ditën e parë të punës si ministër, Abdixhiku tha se ka lajme të mira, por, që kërkohet kujdes në vozitje.

Ministri nëpërmjet një postimi në Facebook bëri të ditur se ka dalë në terren për të parë mirëmbajtjen e rrugëve e se është në kontakt me përgjegjësit e ministrisë.

 

Shkrimi i plotë i Abdixhikut:

Lajme të mira me borë; por që kërkohet kujdes në vozitje. Rrugët po pastrohen, e liqenet po mbushen me ujë.

Sapo përcolla nga afër disa nga mirëmbajtësit e rrugëve. Jam në kontakt të vazhdueshëm me përgjegjësit e Ministrisë. Kam urdhëruar që të gjitha kompanitë përgjegjëse të jenë sonte, gjatë gjithë natës, në terren me përpjekje të shtuara.

---