Administrata Trump pezullon nga puna punonjësit e USAID-it në mbarë botën

Nga USAID më shumë fonde ka marrë Kosova 537 milionë, pason Bosnja 402 milionë, Maqedonia e Veriut 290 milionë, Serbia 209 milionë, Shqipëria 189 milionë dhe Mali i Zi 77 milionë.

“Të premten, më 7 shkurt, të gjithë punonjësit me kontratë të USAID-it do të pezullohen në gjithë botën”, thuhet në një njoftim në uebsajtin e USAID-it, i cili ka qenë jashtë funksionit prej fundjavës së kaluar.

Forca punëtore e USAID numëron më shumë se 10.000 persona. Rreth dy të tretat e stafit shërben jashtë vendit, sipas Shërbimit Kërkimor të Kongresit (CRS). Agjencia ka më shumë se 60 misione kombëtare dhe rajonale.

USAID-i është i pranishëm në Kosovë prej vitit 1999, dhe prej atëherë ka investuar më shumë se 1 miliard dollarë në zhvillimin e Kosovës.

Përgjatë 25 vjetëve, USAID-i ka zhvilluar programe për luftën kundër korrupsionit, sundimin e ligjit dhe qeverisjen e mirë, luftën kundër dezinformimit dhe avokimin e mediave të pavarura, forcimin e shoqërisë civile dhe demokracisë, zhvillimin ekonomik dhe tërheqjen e investimeve të huaja.

I dërguari special i Donald Trump për krizat, Richard Grenell, ka publikuar fondet e USAID, sipas të cilave Organizatat jo qeveritare në Ballkan kanë përfituar për 4 vite, konkretisht 2020 – 2024.

Në Maqedoni të Veriut OJQ- të kanë marrë 290 milionë dollarë për 4 vite.

Në total për 6 vendet e Ballkanit Perëndimor USAID ka dhënë 1.7 miliardë dollarë.

Nga USAID më shumë fonde ka marrë Kosova 537 milionë, pason Bosnja 402 milionë, Maqedonia e Veriut 290 milionë, Serbia 209 milionë, Shqipëria 189 milionë dhe Mali i Zi 77 milionë.

https://x.com/RichardGrenell/status/1886764146982867129?ref_src=twsrc%5Etfw%7Ctwcamp%5Etweetembed%7Ctwterm%5E1886764146982867129%7Ctwgr%5E1c8379f0c5e12fa71443ee3c9c40cf30794ce7f1%7Ctwcon%5Es1_&ref_url=https%3A%2F%2Ftelegrafi.com%2Fmaqedonia-e-veriut-ka-perfituar-290-milion-dollare-nga-usaid%2F&mx=2

---