Mediat në Prishtinë njoftojnë se ngjarja ka ndodhur në orën 14:55 dhe arsye është se një shpend ka djegur njërin nga motorët e avionit, shkruan albinfo.ch
Rastin e ka konfirmuar për mediat në Prishtinë, zëdhënësja e aeroportit Valentina Gara që ka thënë se ekipet teknike janë duke u marrë me kontrollimin e motorëve.
Sipas autoriteteve të Aeroprotit të Prishtinës ky aeroplan që po nisej nga Kosova në drejtim të Cyrihut, do të fluturojë sonte për në destinacionin e caktuar.
Në Aeroportin e Cyrihut nuk është publikuar asnjë njoftim për incidentin në Prishtinë përveq anulimit të fluturimit WK 405, që ishte planifkuar të mbërrinte në orën 16:55.
