Aeroporti i Cyrihut ndjen ndikimin e pushimeve të vjeshtës

Krahasuar me tetorin e vitit 2024, kjo përfaqëson një rritje prej 6.6 për qind, siç tregon një analizë e të dhënave nga agjencia AWP

Në tetor, në Aeroportin e Cyrihut janë ngritur dhe janë ulur dukshëm më shumë aeroplanë sesa në të njëjtin muaj të vitit të kaluar. Kështu, gjatë muajit që iku, në këtë aeroport janë regjistruar gjithsej 24,479 ngritje dhe ulje, transmeton albinfo.ch.

Krahasuar me tetorin e vitit 2024, kjo përfaqëson një rritje prej 6.6 për qind, siç tregon një analizë e të dhënave nga agjencia e lajmeve AWP.

Shifra për vitin 2019, viti i fundit para pandemisë së koronavirusit, u tejkalua gjithashtu qartë me 3.6 për qind.

Që nga fillimi i vitit, në aeroportin më të madh të Zvicrës janë regjistruar 225,079 lëvizje avionësh. Kjo është 3.6 për qind më shumë se në të njëjtën periudhë të vitit të kaluar.

Megjithatë, vëllimi i përgjithshëm i trafikut është ende pothuajse 2 për qind nën nivelin para pandemisë.

Tetori është tradicionalisht një nga muajt më të ngarkuar në Aeroportin e Cyrihut për shkak të pushimeve shkollore të vjeshtës. Këtë vit, vetëm muajt e pushimeve verore korrik dhe gusht regjistruan më shumë ngritje dhe ulje sesa tetori.

Dita më e ngarkuar me fluturime gjatë tetorit ishte e diela, 5 tetor, me 865 lëvizje. Kjo korrespondon me ditën menjëherë pas fillimit të pushimeve shkollore në Kantonin e Cyrihut.

---