Kosova

Njoftim me rëndësi nga aeroporti i Prishtinës

E diel, 28 Qershor 2020 - 15:10 albinfo.ch

Foto: Aeroporti i Prishtinës

Aeroporti Ndërkombëtar i Prishtinës “Adem Jashari”, përmes një shkrimi në Facebook ka njoftuar se nuk ka ndalesa në pranimin e udhëtarëve, pavarësisht nacionalitetit të tyre.

Njoftimi:

“Njoftojmë të gjithë udhëtarët tanë se Aeroporti Ndërkombëtar i Prishtinës ‘Adem Jashari’ nuk ka restriksione në pranimin e udhëtarëve, pavarësisht nacionalitetit të tyre.

Porti i vetëm ajror i Republikës së Kosovës vazhdon të funksionojë me të gjitha kapacitetet e nevojshme dhe vazhdon të pranojë udhëtarët si me shtetësi kosovare, po ashtu edhe udhëtarët ndërkombëtarë (me dokumentacion të huaj).

Për më tej, lusim të gjithë ata që presin dhe përcjellin familjarë në aeroport, të paraqiten vetëm një nga të afërmit, meqenëse po shkaktohet tollovi në hyrje dhe po ashtu në dalje të terminalit, duke penguar në këtë mënyrë mbarëvajtjen e operimeve.

Ju falënderojmë për mirëkuptimin tuaj!”