Aeroporti i Shkupit, më shumë fluturime për Cyrih dhe Bazel

Destinacionet më të ngarkuara të Aeroportit Ndërkombëtar të Shkupit janë: Stambolli (11 për qind të tregut), Cyrihu (8.5 për qind) dhe Bazeli (5.8 për qind)

Mbi 1 milion pasagjerë (1041583) udhëtuan nëpërmjet Aeroportit Ndërkombëtar të Shkupit dhe aeroportit të Ohrit në gjashtë muajt e parë të vitit 2018, që paraqet një rritje vjetore prej 21 për qind në krahasim me gjysmën e parë të vitit 2017.

Në të njëjtën periudhë, janar-qershor 2018, numri i fluturimeve në të dy aeroportet arriti në 9,033, me një rritje vjetore prej 16%, shkruajnë media në Shkup, përcjell albinfo.ch.

Rritjen e trafikut të pasagjerëve me 21 për qind, “TAV Maqedoni” e ka regjistruar nga janari deri në qershor të këtij viti, ajo e tejkalon rritjen mesatare të aeroporteve në vendet jashtë BE-së, të cilat përbënin 12.5 për qind në tremujorin e parë të vitit 2018.

Destinacionet më të ngarkuara me trafikun e pasagjerëve në gjashtë muajt e parë të Aeroportit Ndërkombëtar të Shkupit  janë: Stambolli (dy aeroportet “Ataturk” dhe “Sabiha Gokcen”), 11 për qind të tregut), Cyrihu (8.5 për qind), Bazeli (5.8 për qind ), Vjena (5.1 përqind), Malme (4.6 për qind) dhe Bratislavë (3.5 për qind).

Lidhur me pjesëmarrjen e linjave ajrore në trafikun e pasagjerëve, “Wieser” mbante më pasagjerë me 63.3 për qind të tregut, e ndjekur nga “Turkish Airlines” (8.1 për qind), “Austrian Airlines” (5.1 për qind) “Germany Flug” (4.6 për qind), Edelweiss (3.8 përqind), Croatia Airlines (3.1 përqind), Pegasus Airlines (3 përqind).

Nga “TAV Maqedoni”, presin që rritja e trafikut ajror do të vazhdojë me një ritëm të njëjtë deri në fund të vitit, duke marrë parasysh 5 destinacionet e reja që u hapën në aeroportet në Shkup dhe Ohër, në fillim të sezonit veror në vitin 2018.

Aeroporti Ndërkombëtar i Shkupit aktualisht është i lidhur me 38 destinacione, të cilat shërbehen nga 13 linja ajrore. Aeroporti i Ohrit ka 3 linja ajrore të rregullta që operojnë gjatë gjithë vitit dhe 8 destinacione sezonale të shërbyera nga 11 linja ajrore.