Afro 50 mërgimtarë janë riatdhesuar nga Sllovenia në Kosovë

Janë kthyer në Kosovë 47 bashkatdhetarë që ndodheshin në Slloveni, të cilët kishin raste urgjente shëndetësore dhe të natyrave të tjera.

Është bërë e ditur se janë riatdhesuar afër 50 persona nga Sllovenia në Kosovë, shkruan albinfo.ch.

Në një njftim të fundit, Ambasada e Kosovës në Slloveni, në koordinim me institucionet e Republikës së Kosovës dhe institucionet e Republikës së Sllovenisë ka mundësuar kthimin në Kosovë edhe të 47 bashkatdhetarëve që ndodheshin në Slloveni, të cilët kishin raste urgjente shëndetësore dhe të natyrave të tjera.

Po ashtu, thuhet se transporti është organizuar nga Ambasada e Kosovës në Lubjanë dhe qytetarët e Kosovës tashmë kanë arritur në Kosovë, ku janë pritur nga autoritetet kompetente të Kosovës.

Po ashtu duhet theksuar se autoritetet shtetërore të Sllovenisë, Kroacisë dhe të Malit të Zi si dhe për Ambasadën e Kosovës në Kroaci kanë dhënë përkrahje të madhe për këtë riatdhesim. /Albinfo.ch

---