Afër 94% e udhëtarëve zviceranë në tren nuk mbajnë maska

Një studim lidhur me pasagjerët në stacionet kryesore të trenave në Zvicër ka vlerësuar se mesatarisht 6% kishin veshur maska mbrojtëse për fytyrën në një pasdite normale javën e kaluar.

Të dhënat bazohen në vëzhgimet e bëra gjatë dy ditëve javën e kaluar nga ndërmarrja e inteligjencës artificiale Swisstraffic, e cila vendosi kamera në stacionet e Bernës, Lausanne dhe Cyrih, për të vlerësuar se sa njerëz kishin veshur maska.

Mes orës 15:30 dhe 16:30 pasditeve të 10 dhe 11 qershorit, një mesatare prej 3% të njerëzve në Bernë, 8% në Lozanë dhe 7% në Cyrih kishin veshur maska. Nga 10,231 gjithsej, zbuluar nga kamerat, mesatarja ishte 6%.

Shifrat vijnë pasi përdorimi i transportit publik vazhdon të rritet pas heqjes së njëpasnjëshme të masave të bllokimit.

Udhëzimi zyrtar është që të vishni maska në publik “kur nuk mund ta mbash distancën [d.m.th. rregulli dy metra]”. Në mesin e publikut, mbështetja për maska është zvogëluar pasi rastet e reja Covid-19 janë zvogëluar, megjithëse 50% e popullsisë ende mbështet vendimin për maskë të detyrueshme në transportin publik, sipas një studimi të publikuar javën e kaluar, përcjell albinfo.ch.