Ajri i ndotur edhe në Londër!

Smogu i dendur i Delhit dhe mjegulla helmuese e Pekinit, qëndrojnë në ajër derisa vizitorët mund t’i nuhasin gjatë një ekspozitë te pazakontë në Londër e cila ka për qëllim të rrisë vetëdijen lidhur me ndotjen e ajrit. Instalacioni u mundëson vizitorëve që të përjetojnë nivele të ndryshme të ndotjes duke përdorur pesë kupa të cilat zëvendësojnë mjedisin në kryeqytetin indian, kinez, të Sao Paolos, Londrës dhe ishullit norvegjez Tautra. Artisti britanik Michael Pinsky, puna e të cilit shpesh merret me temat e mjedisit, ka thënë se donte që t’i bënte njerëzit të mendojnë rreth veprimeve të tyre të përditshme dhe ndikimin që ato kanë në atmosferë.

“Kur e shihni ekspozitën e përjetoni si krahasim mes qyteteve të ndryshme dhe mund ta ndjeni atmosferën. Mendoj se është mënyrë e fuqishme për të sjellë mjedisin në mendjen e njerëzve” tha ai.

Sipas Pinksyt ajri më i ndotur është në kupën e Delhit dhe reflekton atë çfarë përjetojnë indianët. Sipas Organizatës Botërore të Shëndetsisë, më shumë se 92 për qind e popullatës së botës jetojnë në vende ku niveli i ndotjes së ajrit tejkalon limitin e lejuar. Pothuajse 9500 persona vdesin në Londër para kohe shkaku i ekspozimit ndaj ajrit të ndotur.