Aksident në magjistralen Gjilan-Ferizaj, vdes një grua

Foto ilustrim

Një aksident me fatalitet ka ndodhur sot në magjistralen Gjilan-Ferizaj në dalje të fshatit Partesh.

Si pasojë e këtij aksidenti ka humbur jetën një grua dhe një fëmijë është lënduar rëndë.

Lajmin për Telegrafin e ka konfirmuar zëdhënësi i policisë për rajonin e Gjilanit, Ismet Hashani.

“Mund të ju konfirmoj se një aksident rëndë trafiku në rrugën Gjilan-Ferizaj në dalje të fshatit Partesh, një grua ka humbur jetën në vendin e ngjarjes, një fëmijë është lënduar është dërguar për trajtim mjekësor. Policia është në vendin e ngjarjes dhe po merret me rastin”, është shprehur Hashani, përcjell albinfo.ch.

Hashani ka thënë se për detaje tjera rreth këtij aksidenti do të njoftoheni pas marrjes së raportit të plotë nga vendi i ngjarjes.