Aksion ndërkombëtar kundër trafikut të drogës, arrestohen shtatë persona

Një operacion i koordinuar policor në Zvicër, Franca dhe Italia ka çuar në arrestimin e shtatë personave të dyshuar për përfshirje në një rrjet ndërkombëtar të trafikut të kokainës dhe pastrimit të parave, të lidhur me mafian italiane.

Sipas Eurojust, hetimet kishin nisur në vitin 2023 dhe zbuluan një operacion të sofistikuar, ku droga transportohej në automjete luksoze me ndarje të fshehta, ndërsa paratë pastroheshin përmes faturave të rreme dhe investimeve në pasuri të paluajtshme.

Një pjesë e rëndësishme e hetimit ishte sekuestrimi i një ngarkese kokaine në portin e Antwerp, që ndihmoi në zbulimin e lidhjeve mes të dyshuarve dhe rrjetit kriminal.

Gjatë operacionit u sekuestruan gjithashtu pasuri mbi 5 milionë euro, kriptovaluta dhe para të gatshme, ndërsa kontrolle u zhvilluan edhe në kantonet Ticino dhe Graubünden në Zvicër.

Autoritetet theksuan se hetimet po vazhdojnë.