Akti heroik i infermieres kineze

Një infermiere arriti ta parandalojë një pacient, i cili tentoi të bënte vetëvrasje. 

Pacienti tentoi të hidhej nga një dritare e spitalit në katin e 13-të, në provincën Liaoning të Kinës verilindore.

“Ai ishte i shqetësuar emocionalisht në atë kohë, mendova të flisja me të, por më gjuajti me karrige, duke thënë se do të shkojë në parajsë. Pasi e tha këtë, ai u ngjit në dritare”, tha infermierja. 

Kolegët dhe pacientët nxituan për t’i ndihmuar asaj. Infermierja ia kapi krahun përmes dritares dhe e mbajti atë për rreth shtatë minuta, derisa rojat e sigurisë dhe policia mbërritën në spital. 

“Nxitova t’ia kapja krahun, e shtriva krahun e tij nën trupin tim, por edhe unë pësova lëndime”, ka shtuar ajo.

Burri u përpoq të ikte nga infermierja, duke bërë disa përpjekje për të kafshuar krahun e saj. 

Një mjek tha se shërimi i infermieres nga lëndimi do të marrë kohë.  Megjithëse akti i saj heroik i ka kushtuar me lëndime në krahun e djathtë, Dong tha se nuk pendohet për veprimet e saj. 

Pacienti u shtrua në spital, ndërsa, sipas mjekëve, burri kishte qenë nën presion pasi gruaja e tij kishte vdekur për shkak të sëmundjes, duke e lënë atë të kujdeset për fëmijën e tyre me aftësi të kufizuara.