Aktivistë të VV-së vendosin para Ekzekutivit “Piramidën e qeverisë së luksit”

"Qeveria e Haradinajt vetëm për paga ia merr buxhetit 4 milionë. Në kohën kur në Kosovë po rritet varfëria, kryeministri ia rritë pagën vetit deri 100%"

Aktivistë të Lëvizes Vetëvendosje përmes një aksioni simbolik të mbajtur në sheshin “Skënderbeu” kanë shprehur pakënaqësitë  lidhur me rritjen e pagave nga ekzekutivi Haradinja, përcjell albinfo.ch. Aktivisti, Egzon Arifaj, tha se Qeverisja e tanishme është më e shtrenjta deri me tani sa i përket pagave, shpenzimet për mëditje, vizitat jashtë vendit e numrit të zëvendësministrave.

“Papunësia është rritur, mbi 17 për qind jetojnë në varfëri. Qeveria e Haradinajt vetëm për paga ia merr buxhetit 4 milionë. Në kohën kur në Kosovë po rritet varfëria, kryeministri ia rritë pagën vetit deri 100%. Po shquhet edhe një kabinet prej 120 këshilltarëve,  400 asistentë truprojë. Sikur të mos u mjaftonin pagat, ka shpenzime enorme në dreka e darka. Një qeveri me mendësi të tillë natyrisht që nuk mund të mendojë për qytetarin e varfër. Neve na duhet fokusimi te sofrat e të varfërve, kjo qeveri nuk e ka këtë synim e vullnet”, theksoi Haliti.

Sipas agjencisë së statistikave, Qeveria për një vit vetëm në paga harxhon 4.074.156 ero. Sipas Vetëvendosjes Kosova duhet të udhëhiqet nga njerëz të cilët mendojnë jo vetëm për vete, por për qytetarin e vendit.