Aktorët Craig dhe Evans në filmin ‘Knives Out’

Filmi “Knives Out”, me regji të Rian Johnson, e që është filmi i parë që nga “Star Wars: The Last Jedi”, është prezantuar me trilerin e parë. Johnson për filmin e tij të ri e mblodhi një ekip yjesh: Chris Evans nga Captain America dhe Daniel Craig nga James Bond e kryesojnë ekipin e aktorëve në të cilin janë edhe Toni Colette, Michael Shannon, Jamie Lee Curtis, LaKeith Stanfield.Viktimën e vrasjes e luan Christopher Plummer, ai është patriark i familjes Thrombey, autor i romaneve kriminale, i cili vritet në ditëlindjen e tij të 85-të, transmeton albinfo.ch.
Në tregim pastaj hyn detektivi ekscentrik i Craig, Benoit Blanc, i cili dëshiron ta zbulojë misterin.
Ndërsa, Evans shfaqet në një rol krejtësisht të ndryshëm nga ai i Captain America.
Trileri i parë duket kaotik dhe argëtues, ndërsa 29 nëntori është data e daljes së filmit në kinema.