Aktori Russel Crowe, në rolin e shefit të medias

Aktori i njohur, Russel Crowe, pritet të luajë rolin e themeluesit të një prej mediave më të njohura në SHBA.
Ndodhitë e dekadës së fundit të jetës së Roger Ailes janë shtjelluar në serinë e re të titulluar “The Loudest Voice in the Room”, transmeton aobinfo.ch.
Aktori i njohur Russell Crowe e portretizon Ailes, themelues i gjigantit mediatik “Fox News”.
“Duke mësuar për jetën e Rogerit, e kupton edhe prej nga vjen dhe gjërat që përjetoi. Ai lindi me hemofili dhe nuk parashikohej të jetonte gjatë. Prandaj filloni të kuptoni vendosmërinë që kishte dhe mënyrën se si u bë kështu”, thotë Crowe.
Seria që ka vetëm shtatë episode flet për momentet personale dhe profesionale të jetës së Ailes, përfshirë edhe akuzat për ngacmime seksuale që ishin bërë ndaj tij nga Grethen Carlson.

Për shkak të mosmarrëveshjeve, Carlson nuk ishte e përfshirë në realizimin e kësaj serie. Seria do të fillojë transmetimin më 30 qershor.