Aktori serb dëshiron të luajë rolin e Adem Jasharit

20 vjet pas rënies së Adem Jasharit, ende nuk është përgatitur një film për komandantin legjendar të Kosovës.

Megjithatë, skenari për një të tillë tani pothuajse është gati, e interesimin për rolin e tij e ka shfaqur edhe një aktor i njohur, por për regjisorin është problem përkatësia e tij etnike, raporton “Klan Kosova”.

Regjisori Luan Kryeziu ka treguar se për këtë rol është paraqitur edhe aktori serb, Rade Sherbexhia, përcjell albinfo.ch.

Aktori serb është paraqitur vullnetar dhe ka thënë se nëse ai e pranon Adem Jasharin, atëherë, do ta pranojë tërë bota.

Por, për shkak të etnisë së tij, regjisori ka theksuar se aktori serb është refuzuar. Ai i ka dërguar një fotografi, duke i dëshmuar sa ngjan me Adem Jasharin.