Alarm i rremë për bombë në shtëpinë e Pacollit

Policia e Kosovës ka marrë sot një thirrje anonime për vendosje të një bombë në shtëpinë e presidentit të sapozgjedhur, Behgjet Pacolli, në Hajvali të Prishtinës.

Lajmin e ka konfirmuar për RTK-në zëdhënësja e Policisë së Kosovës, Sabrije Kamberi. Sipas saj, rreth orës 11:00, policia kishte pranuar një informatë, sipas së cilës, dyshohej se në vendin ku jeton presidenti është vendosur një mjet shpërthyer.

Në vend të ngjarjes menjëherë kanë dalë Njësiti K-9 i Policisë, Njësiti për deminim dhe njësite të tjera për të verifikuar vërtetësinë e lajmit.

Mësohet se alarmi ka qenë i rremë dhe se nuk bëhet fjalë për ndonjë mjet shpërthyes në shtëpinë e presidentit.