Alarm në stacionin e Bernës, dyshohet për një mjet shpërthyes

Sot, rreth orës 16.30 në Stacionin Hekurudhor të Bernës ka pasur një alarm për një objekt të dyshimtë. Policia Kantonale me këtë rast ka bërë bllokimin e një pjesë te stacionit dhe të hyrjes në disa rrugë ngjitur me stacionin hekurudhor. Nga këto rrugë hyrja në stacion është e ndaluar.

Megjithatë pjesa më e madhe e stacionit ka mbetur funksionale dhe po ashtu trenat kanë vazhduar qarkullimin e tyre normal, njofton srf.ch dhe mediet tjera zvicerane.

Ndërkohë bëhet e ditur se policia ka angazhuar një deminues robot për të bërë çminimin e objektit të dyshimtë ose shpërthimin e tij të kontrolluar.