Albin Kurti, politikani më model për të rinjtë

Listës së politikanit model i prin kryetari i Lëvizjes Vetëvendosje, Albin Kurti, që shihet si model nga 13.7% e të rinjve. Pas Kurtit, politikani më popullor është kryeministri Ramush Haradinaj me 7.8%, i pasuar nga Vjosa Osmani me 7.4%, Shpend Ahmeti me 7.3%, Hashim Thaçi me 7% dhe Kadri Veseli me 5.8%

Kreu i Lëvizjes Vetëvendosje, Albin Kurti, është radhitur i pari në listën e politikanëve model për të rinjtë e Kosovës, thuhet në një hulumtim të opinionit të bërë nga Instituti Demokratik i Kosovës (KDI).

Por, përqindja më e lartë është shënuar, megjithatë, te kategoria e të rinjve që nuk shohin asnjërin nga liderët kosovarë si politikan model

Hulumtimi ka nxjerrë se 25.2 % e të rinjve nuk kanë asnjë politikan model, derisa 81% e të rinjve që nuk kanë asnjë politikan model janë të rinjtë e komunitetit serb, shkruan ‘Kallxo.com’.

Listës së politikanit model i prin kryetari i Lëvizjes Vetëvendosje, Albin Kurti, që shihet si model nga 13.7% e të rinjve. Pas Kurtit, politikani më popullor është kryeministri Ramush Haradinaj me 7.8%, i pasuar nga Vjosa Osmani me 7.4%, Shpend Ahmeti me 7.3%, Hashim Thaçi me 7% dhe Kadri Veseli me 5.8%, përcjell albinfo.ch.

Një hulumtim i bërë nga Instituti Demokratik i Kosovës (KDI) tregon se 60% e të rinjve mendojnë se drejtimi i vendit është në kah të gabuar, ndërsa 30% mendojnë se është në kah të duhur.

Në raport shihet se papunësia ka qenë shqetësimi kryesor i të rinjve të të gjitha komuniteteve.

Te të rinjtë shqiptarë pas papunësisë, vjen liberalizimi i vizave, shëndetësia dhe lufta kundër korrupsionit. Te të rinjtë serbë e dyta vjen lufta kundër korrupsionit, zhvillimi ekonomik dhe ekstremizmi fetar në Kosovë.