Aleanca “Kuq e Zi” kërkon një abetare për të gjithë fëmijët

Me moton “Një komb, një gjuhë, një abetare”, të gjithë fëmijët shqiptarë kudo ku jetojnë duhet të mësojnë me të njëjtën abetare

Aleanca “Kuq e Zi” ka kërkuar sot unifikimin e abetares shqipe. Në një deklaratë shtypi përfaqësues të aleancës kanë theksuar se duhen marrë masa dhe hartuar strategji për ruatjen dhe mbrojtjen e gjuhës shqipe.

Me moton “Një komb, një gjuhë, një abetare”, aleanca thekson se të gjithë fëmijët shqiptarë kudo ku jetojnë duhet të mësojnë me të njëjtën abetare dhe jo me libra të ndryshëm.

Gjithashtu sipas aleancës “Kuq e Zi” abetarja duhet t`u jepet falas të gjithë fëmijëve në mënyrë që ata të mësojnë gjuhën shqipe.

Aleanca ngre shqetësimin e kaosit që sipas saj është krijuar aktualisht në arsimin fillor me teksin e abetares.