Ambasada e Amerikës në Kosovë tregon se në cilat raste maska nuk është e nevojshme

Me vendim të Qeverisë, mbajtja e maskave në Kosovë është bërë obligative tash e pothuajse një muaj.

Përmes një postimi në faqen zyrtare në Facebook, nga Ambasada Amerikane në Prishtinë kanë njoftuar se kur duhet dhe kur nuk është e nevojshme që të përdoren ato.

Nga ambasada kanë veçuar dy raste kur mbajtja e maskës nuk është e nevojshme: kur je në shtëpi si dhe kur je në veturë me anëtarë të familjes.

Ndërsa, maska duhet të përdoret në këto raste: gjatë blerjes, vizitat te mjekur apo në barnatore, gjatë qëndrimit në restorant (kur nuk jeni duke ngrënë), në veturën e dikujt që nuk e keni anëtar të familjes si dhe në transport public.

“Mbani maskën kur jeni në publik, sidomos kur nuk mund të qëndroni më larg se 2 metra nga ata që nuk jetojnë në shtëpinë tuaj”, thuhet në njoftimin e ambasadës amerikane, përcjellë albinfo.ch.