Ambasada e Kosovës në Paris njofton pezullim të përkohshëm të shërbimeve konsullore

Ambasada e Kosovës në Paris me mesazh falënderimi dhe urimi për mërgatën

Ambasada e Republikës së Kosovës në Paris ka njoftuar bashkatdhetarët se, për shkak të përmbylljes së vitit fiskal dhe festave të fundvitit, shërbimet konsullore do të ofrohen deri më 19 dhjetor 2025, përcjell albinfo.ch.

Sipas njoftimit zyrtar, shërbimet konsullore nuk do të ndërpriten plotësisht, pasi Ambasada do të mbetet në dispozicion të qytetarëve për çdo nevojë urgjente edhe pas kësaj date.

Ambasada ka shprehur mirënjohjen për bashkëpunimin dhe mirëkuptimin e bashkatdhetarëve, duke iu uruar atyre gëzuar festat e fundvitit.

---