Ambasada e SHBA-së pyet shqiptarët se çfarë presin nga ky vit

Ambasada Amerikane në Tiranë, përveç urimit special për Shqipërinë, ka publikuar edhe një pyetje të veçantë.

“Çfarë prisni më shumë nga ky vit?”, ka shkruar ambasada në faqen e saj.

Shqiptarët, të ndikuar nga kjo pyetje kanë komentuar në faqen e ambasadës. Në komente të shumta janë qytetarë që duan të fitojnë lotarinë amerikane.

Të tjerë presin që ambasadorja e re të ketë një rol sa më aktiv në vendin tonë, e disa të tjerë urojnë që misioni i tyre diplomatik të ketë sukses dhe që 2020 të jetë viti i drejtësisë.

“Presim që ambasadorja e re të luajë një rol sa më aktiv që të shembet korrupsioni galopant që e rendit Shqiperinë në 3 vendet më të korruptuara të planetit…62%…dhe t’i jepet fund kaosit institucional që ka kapluar vendin, sidomos me shkatërrimin e sistemit gjyqësor…një postulat thotë që plagën kurrë nuk e shëron ai që e shkakton…të mos presim rregullimin nga ato që e shkaktuan këtë kaos…”, shkruhet në një koment.

“Gëzuar !Presim shpresë për një drejtësi dhe politikë të pakorruptuar! Populli i thjeshtë ka besim në ndihmën tuaj të paçmuar. Faleminderit !!!”, ka shkruar një qytetare.

“Lotarinë amerikane, hajde një vit i mbarë për ju e për ne, me ate reformën që më në fund po vjen falë këmbënguljes suaj të madhe..!”, ka komentuar një qytetar.