Amerika ndalon refugjatët sirianë

Donald Trump e ka përcaktuar numrin prej 50 mijë refugjatëve nga e gjithë bota, që Shtetet e Bashkuara do t’i pranojnë këtë vit

KEYSTONE

Presidenti i ri i Amerikës, Donald Trump ka nënshkruar edhe urdhrin për ndalim e refugjatëve sirianë që të hyjnë në Shtetet e Bashkuara të Amerikë, raporton albinfo.ch.

Ai ka urdhëruar suspendimin e migrimit nga shtatë vende me popullatë shumicë myslimane për 90 ditë, derisa të implementohet procesi i ri rigoroz “ekstrem i vërtetimit”.

Shtëpia e Bardhë gjithashtu ka njoftuar se në shënjestër të këtyre urdhrave janë Siria, Iraku, Irani, Libia, Somalia, Sudani dhe Jemeni.

Trump po ashtu ka urdhëruar pezullimin katërmujor të programit amerikan për refugjatë për Irakun, Afganistanin dhe Pakistanin. Ai e ka përcaktuar numrin prej 50 mijë refugjatëve nga e gjithë bota, që Shtetet e Bashkuara do t’i pranojnë këtë vit.

Një përjashtim madhor për ndalesën e refugjatëve është bërë për të krishterët sirianë, për të cilët Trump tha se janë të shtypur në vendin e tyre.