Anulohet logoja e kontestuar e 10-vjetorit të pavarësisë, zëvendësohet me një të re

Logoja e re do të përdoret për të gjitha organizimet festive dhe për Medaljen Presidenciale Jubilare. #Kosova10”, ka shkruar presidenti Thaçi në Facebook

Këshilli organizativ për shënimin e 10-vjetorit të pavarësisë ka përzgjedhur një logo të re, pas shqetësimeve të shfaqura në publik se logoja e parë ishte plagjiaturë, gjë që kishte nxitur edhe reagimin e krijuesve të saj, të cilët për të dëshmuar autenticitetin kishin bërë publike tërë punën praktike se si kishin ardhur deri te versioni final i saj.

“Më vjen mirë që Këshilli organizativ u është përgjigjur pozitivisht shqetësimeve të ngritura në publik rreth ngjashmërisë së logos së dhjetëvjetorit të pavarësisë së Kosovës me një logo tjetër dhe ka vendosur që të ndryshojë atë.

Logoja e re do të përdoret për të gjitha organizimet festive dhe për Medaljen Presidenciale Jubilare. #Kosova10”, ka shkruar presidenti Thaçi në Facebook.