Anulohet “Mërgata Fest” në Skenderaj, kryetari tregon arsyen

Kryetari i Skenderajt, Fadil Nura, ka bërë të ditur se festivali “Mërgata Fest” është anuluar për shkak të vdekjes së papritur të Robert Veliut, ish-basketbollist i njohur dhe njëherësh bashkëqytetar i tyre.

Nura ka shprehur ngushëllime për familjen Veliu, duke thënë:

“Të nderuar qytetarë, pjesëmarrës të festivalit Mërgata Fest dhe bashkatdhetarë, për shkak të ndarjes nga jeta të të riut Robert Veliu, ish-basketbollist profesionist, dhe në shenjë respekti ndaj familjes së pikëlluar, programi muzikor i sotëm anulohet.”

Ai shtoi se e kupton dhimbjen e madhe që ka prekur komunitetin, duke apeluar për mirëkuptim nga të gjithë:

“I shpreh ngushëllimet më të thella familjes Veliu, shokëve dhe miqve të tij. Kjo është një humbje e madhe për të gjithë ne.”, shkroi Nura.