Arabi Saudite: Haxhinjtë në Mekë falen sërish pa rregulla të distancës

Qindra pelegrinë me rroba të bardha qëndronin krah për krah ndërsa luteshin në oborrin e xhamisë. Janë hequr ngjitëset në dysheme për rregullat e distancës

Për herë të parë që nga fillimi i pandemisë, në Xhaminë e Madhe të Mekës, në Arabinë Saudite është zhvilluar rituali i lutjeve pa rregulla të distancës.

Pas lehtësimit të masave, falja atje tani do të zhvillohet përsëri “normalisht”, ka njoftuar të dielën qendra shtetërore e komunikimit, shkruan srf.ch.

Qindra pelegrinë me rroba të bardha qëndronin krah për krah ndërsa luteshin në oborrin e xhamisë. Ngjitëset në dysheme për të respektuar rregullat e distancës po ashtu janë hequr.

Që nga e diela, xhamia e famshme është hapur përsëri me kapacitet të plotë.

Po ashtu nga e diela, ka pasur një lehtësime të ndjeshme të masave të koronës edhe në fusha të tjera të jetës në vend, transmeton albinfo.ch.

Kështu, në të ardhmen, njerëzit në Arabinë Saudite nuk do të duhet të mbajnë maska ​ të fytyrës në ambientet e jashtme, por ky detyrim do të vazhdojë të zbatohet brenda.

Në kuadër të këtyre lehtësimeve, normaliteti  po kthehet gjithashtu edhe në restorante, kinema, vende dasmash dhe në transportin publik lokal.

Në Arabinë Saudite, rreth 60 për qind e 34 milionë banorëve janë plotësisht të vaksinuar.

---