Arrestohen 6 shqiptarë në Angli, kanabis me vlerë 300 mijë paund

Foto ilustrim

Mediat londineze shkruajnë se një bandë kriminale shqiptare e kanabisit është arrestuar në Angli, duke vënë në pranga 6 shqiptarë, transmeton albinfo.ch.

Në raport thuhet se oficerët gjurmuan makinën nga North Yorkshire në Hertfordshire, ku gjetën kanabisin me vlerë 300,000 paund.

Të arrestuarit në këtë operacion ishin, V.S, 33 vjeç, nga Newnham Road, Londër u burgos për gjashtë vjet e nëntë muaj, që njihej dhe si kreu i bandës, K.B, 50 vjeç, nga Wellington Road, Enfield, u burgos për tre vjet e dy muaj, I.B, 27 vjeç, nga WShitings Road, Barnet u burgos për katër vjet e katër muaj, B.E, 36 vjeç, pa adresë fikse, u burgos për tre vjet, E.E, 33 vjeç, gjithashtu pa adresë të caktuar, u burgos për pesë vjet e dy muaj dhe A.K, 23 vjeç, pa adresë fikse, u burgos për tre vjet.

Të gjashtë u deklaruan fajtorë për shqetësim në prodhimin e kanabisit.

Ndër të tjera mësohet se në shtëpitë e barit në tri ndërtesa të ndryshme në Harrogate të North Yorkshire u gjet kanabis me vlerë 240,000 paund.

Ndërkohë Y.B, 73 vjeç, pronarja e fermës që ata përdorën, gjithashtu përfundoi në burg. Autoritetet britanike pas zbulimit të kësaj shtëpie bari janë vënë në kërkim të ndërtesave të tjera të shndërruara në sera për prodhim kanabisi.

Policia e North Yorkshire tha se shtëpitë i ishin dhënë me qira një pale të tretë, e cila më pas i kishte lënë ato në kontrollin e bandës.