Arrestohen edhe 7 protestues të opozitës në Tiranë

Keystone EPA/MALTON DIBRA

Sekretari i përgjithshëm i Partisë Demokratike të Shqipërisë, Gazment Bardhi, dhe 27 persona të tjerë janë shpallur në kërkim nga policia pas protestës së 28 marsit 2019 para Kuvendit, të organizuar nga opozita.

Shtatë prej protestuesve janë arrestuar për veprime të dhunshme në institucione, në Polici dhe për shkatërrimin e pronës.

“Veprimet procedurale janë kryer në bazë të një analize të pamjeve filmike, raportit të  shërbimeve, si dhe provave të tjera të mbledhura nga grupi hetimor. Janë proceduar në gjendje të lirë dhe 14 persona të tjerë, ndërsa 6 shtetas janë shpallur në kërkim. Është proceduar penalisht gjithashtu shtetasi G.B., organizator i protestës së zhvilluar ditën e djeshme”, thuhet në njoftimin e Policisë.

Po ashtu, theksohet se policia po punon për identifikimin, kapjen dhe vënien para përgjegjësisë ligjore të personave të tjerë që kanë kryer veprime të dhunshme gjatë protestës së fundit.