Arrestohen tre shqiptarë në Austri për kontrabandim droge

Policia e qarkut të Grazit në Austri ka arrestuar tre shqiptarë, të cilët dyshohen për kontrabandim të tre kilogram kokaine, të cilët dëshironin ta dërgonin në Graz, shkruan regionews.at, përcjell albinfo.ch.

Pazarin me drogën e kishte organizuar një shqiptar nga Amsterdami (Holandë). Ai së bashku me një bashkëkombës të tij kishte udhëtuar nga fundi i korrikut në Graz për të siguruar biznesin me drogën, njofton orf.at.

Në një pikë karburantesh në autostradën jugore (A2) atyre duhej t`ua dorëzonte një korrier kokainën që vlerën në treg e ka rreth 1 milion euro. Por dorëzimi i drogës nuk ndodhi pasi që të dy shqiptarët janë arrestuar në vendin e pritjes, transmeton albinfo.ch. I dyshuari kryesor nuk e ka pranuar veprën.

Nga ana tjetër korrieri është kapur në autostradën A2 dhe është arrestuar. Ai kishte ardhur nga Italia për të bërë dorëzimin e kokainës të cilën e kishte fshehur në makinën të cilën ia kishte dhënë një italian, i cili ende nuk është gjetur nga policia.
Siç merr vesh policia, të dyshuarit disponojnë me lidhje të mira në Holandë, Itali dhe në Zvicër.
Sipas policisë, kokaina e konfiskuar ishte destinuar për tregun e regjnit të Graz-it.