Arrestohet i mituri, i vodhi një gruaje 2500 franga dhe 500 euro

I dyshuari me aktvendim të Prokurorit të shtetit është ndaluar për 48 orë

Policia e Kosovës në Pejë ka arritur të arrestojë një të dyshuar për vjedhje. I dyshuari i mitur më 21.12.2019, pas mesnatës, kishte vjedhur nga makina çantën e një gruaje nga Shqipëria.

Ajo në çantë kishte 2 mijë e 500 franga dhe 500 euro, dokumentet e identifikimit, patentë shoferin dhe pasaportën e Republikës së Shqipërisë.

”Njësiti i hetimeve, stacioni policor Pejë, menjëherë ka vazhduar intenzivisht me veprimet hetimore, me ç‘rast sot më 22.12.2019, rreth orës 04:00 në një lokal është arritur të identifikohet, arrestohet i dyshuari i rastit të iniciuar të veprës së vjedhjes, shtetasi shqiptar kosovar (i mitur), së bashku me dy persona tjerë, të cilët gjithashtu janë të dyshuar lidhur me rastin për ‘Dhënie të ndihmës pas kryerjes së veprës penale“, njofton Policia e Kosovës në Pejë.

I . Rasti me kallëzim penal dërgohet ne Prokurorinë Themelore Pejë.

---